Размаўляем па-беларуску
22.02.2021З 15.02.2021 г. па 20.02.2021 г. у школе прайшоў Тыдзень беларускай мовы і літаратуры, прысвечаны Міжнароднаму дню роднай мовы 21 лютага. На працягу Тыдня былі праведзены цікавыя мерапрыемствы, у якіх прынялі ўдзел вучні, настаўнікі, тэхперсанал школы. Запланаваныя мерапрыемствы былі разнастайныя па форме і змесце.
Была наладжана выстава “Любімыя творы ў малюнках”. Навучэнцы 7 класа прынялі ўдзел у інтэлектуальнай гульні “Ах, якія словы!” Для 5-8 класаў прайшоў конкурс чытальнікаў вершаў “Звіні, мая родная мова!” У 7 класе настаўніца беларускай мовы і літаратуры Алешка З.К. правяла адкрыты ўрок па тэме “Урокі пані Мар’і”. Усе вучні і дарослыя прынялі ўдзел у акцыі “Размаўляй са мной па-беларуску”, у якой спаборнічалі ў веданні слоў на беларускай мове. Вучні 5-11 класаў прынялі ўдзел у конкурсе “Залацінкі роднай мовы”, у час якога дапаўнялі прыказкі, растлумачвалі іх змест.